本週港股低見21770,真係比我估中要見一見21000!最後收回22000點邊沿~高油價問題還是影響全世界股市的主因.美股近來係咁跌,亞洲各地股市都係無個起頭,越南又話有金融危機!不過香港D專家紛紛講本港股市基調穩固,下週會見低,但願如此啦!我個老友$148買左港交所問我點算!我都唔知點答佢^^為有同佢開個盤睇睇流年安慰下佢啦!(一笑)

外匯方面美金6月份先升後回,相對來講美金對各主要外匯保持係低水平,美元弱勢也是高油價原因之一,因為原油是用美金報價也!中東佬紛紛減產及炒高期油對沖來自美元下跌的損失.所以美元一日不轉強勢,油價要回落又會難一d^^

本週美元升浪咁短命,手頭D單中左兩招...

本週最大新聞應該是內地成品油大幅加價18%~是2008年的第一次,講明本年度只加一次.市場力量是壓不著的!內地煉油廠長期蝕本生產,如不加價只好不做或應酬式比少少你用下!做成成品油短缺現象.現在大幅度加價可以進一步平衡供求.這次加價是中央防止前年油站大排長龍的情況再次發生.國際油價今年升幅差不多一倍,如現貨價格長期規管(價格管制)會令成品供應短缺是歷史事實.希望中央做好交通燈的角色,不要管得太死就可以啦!

通貨膨脹是從來都是一種貨幣問題,內地FID長期達雙位數字增長.M1M2也同步快速增加,貨幣升值與通脤兩兄弟齊齊來到中國旅遊^^但唔知幾時走...

講番外匯啦^^

本週又殺雞~又無新鮮雞食矣!廣東人特別好鮮雞,包括我自己^^又沒雞食啦!政府做野真係慢吞吞,03年之後已講緊攪中央屠宰.攪左5年都話研究緊,真係可惡!官僚無能又一例証~

美股07年以來第三次接近萬二點水平,好像有點支持反彈下,但形勢都唔可以講樂觀~如果再跌穿就有機會作更大下跌!樂觀估計都要牛下牛下到11月大選有結果之後再定生死.唔樂觀就唔洗講啦~港股本週得四日市,但跌左1500幾點~見22592收市.唔通真係衰口講中見番二萬一!兩萬六叫人追貨D股神唔之點算...

本週買左本新書是葉漢良[斗數卷]的前卷叫[談玄述異],雖然是講術數但又不是一般術數書籍,佢這本書內直接講紫微斗數的篇幅不到十分之一.反而是作者對命理及術數的心得!如有興趣可以一讀.葉生乃是紫微斗數中洲派一代宗師王亭之先生四十個入室第子之一,又主修比較文學.讀得幾過引,介紹下比各位同好!

講番外匯啦...

星期五的黑雨來對打工仔來說好過宋江~掛得合時落得也合時矣!剛好令週六變成假期加上今天的補假來個三天直落~也令小第訓到中午才去食早餐^^所以要來個遲到版!

港股淡出鳥來,還是美股有番d睇頭.經濟數據差令美股跌成400點~睇來最壞的日子還未過去!但要提醒一下外匯炒友的是匯價才是第一隻鴨子~無論現時外匯交易有幾快都好,現價市場都是經濟好壞其中一個重要指標!

黑人終於戰勝女人!成為民主黨總統候選人~前第一夫人戰到最後一分鐘令人印象難忘!人生有時都要睇運氣,開始時大好形勢最後差少少就得,不是我們生活的一部分嗎?

外匯方面...

本週港股上落不大,但大新聞當然是港交所推出[收市競價交易時段]出左事!這10分鐘成為大戶的SHOW TIME~股蟻做左"旦家雞",得個睇字!比大戶夾上夾落.唔興有鬼^^我怕散戶會告到平機會!港交所今次真係好心做壞事,無風激起三尺浪.

政壇當然係果幾個準副局長有外國國籍問題.其實個幾位都係高學歷傑青,舊時取落D外國國籍防防身實係人之常情.但幾一入政治圈首要條件就係要有政治觸覺,但睇幾位準局長無一位合格,都係做番老本行算吧啦!政界唔多適合佢地^^

外匯方面呢...

上週講香港捐款必定打破記錄~果然短時間內就億億聲咁捐!香港人樂善好施精神充分發揮!災區救人工作差不多到尾聲,接下來是清理及重建工程.包括硬件如道路/電力/通訊/房屋及更重要的是軟件工程如心理治療,大災難後會出現心理問題好像經過戰爭一樣.需長時間治療.香港醫療專業人仕都親身到災區幫忙,國家有難,匹夫有責!我地小市民出唔到力都出少少錢啦!

本週大家注意力集中係四川,股市就落井下石,靜雞雞跌左900幾點.油價同澳元一樣高處未算高見過135元.美股低收誠哥都話次按問題還未過去!令美元資產價格繼續下跌.美元這個升浪是否短命鬼?好快就知~

睇睇各外幣走勢先...

天地不仁,以萬物為芻狗!四川汶川大地震已發生六天,死亡數字直線上升!全國總動員救人.估計需用十年時間重建!這場建國以來最大型天災,令無數人失去生命,親人及家園.所有同胞都心情沉重,從奧運來臨的高漲氣氛一下子跌落深淵...災難過後各樣重建工程成為國家中部地區重點工作,破窗理論發生作用!大量資金會投入內陸,可能會加快中部地區經濟發展,當然人命傷亡是不能挽回!希望死者安息.

昨天胡總找著TVB的咪親自多謝香港同胞幫忙,必令港人用更大力度救災!善款數字一定會打破記錄^錢要用得其所才有意義,如有閒錢可以幫人是福氣!大家有錢出錢啦^

本週無咩心機做單,一動不如一靜...

五月份香港死得人多又有,死得慘又有!真係唔多老黎~好在有北京奧運沖喜下^^見在我地內地精英把聖火送上珠峰,眼淚鼻水都結成冰條^^真係太有型啦!加上胡主席係日本"暖春之旅"以一敵二打乓球,板板有力打出國威,五月份全球報紙國際版比我地中國人霸左一大半^^威過威士忌!

股民就沾唔到光啦!本週港股跌左千幾點~見25063!險守25000.希望我估錯唔好回番21000!所謂Sells in May, walk away...

外匯方面,美金的反彈浪開始見頂!各主要外匯都高收.下週要睇睇個浪會否咁快完結^^

本週全港市民都好像入左明教咁~個個都拜聖火^^劉華就成個張無忌咁,受教眾們一致歡迎!現在好多人講笑咁話不如劉華做下任特首啦^佢受歡迎指數差d拍著曾生!不過我地個醒目仔特首真係要贊下佢!前一天重哭著臉,昨天就好笑容過青冀蝠王韋一笑~反應之快連佢下面d馬仔都跟唔著咁滯^香港由佢老人家帶領中央可以放心啦!

股市再升700幾見26241點,如上週所講睇好乃現市共識.希望這個反彈浪深d啦~多d人走到貨,因為環球經濟前景真係唔多睇好,高油價引發連鎖反應令通貨膨脹深化.現今世界經濟好像流感一樣已變種!產品價格已不能以舊方法分析,交易費用受互聯網影響進一步下降.生物工程進步亦開始影響農業生產,新世界遊戲規則有新的定義.投資者要有新思維才能賺錢^^

講番d贏錢野先啦...

本週恆指收25516~已到達之前估計上升通道頂部,並補回一月中的下跌裂口.加上中央政府再出手救市,下週有人睇好好像成了主流思想.但我又說服不了自己港股會再上28000.總是覺得向下再見21000機會大一點!希望估錯啦~因為股市好大家好,雖然自己唔玩股,但望自己發達好過望人地衰啦~

外匯方面,美金本週普遍上升,各主要外幣見新高後應聲回軟.令美元好友威番一次~對日元升得最靚,希望升勢保持啦!這張單希望贏一個Double^^但世事無咁順利的,大家炒友小心為尚啦!

各外匯分析如下...